ଚଳିବା
ଚଳିବା
ଓଡ଼ିଆ[ସମ୍ପାଦନା]
ଉଚ୍ଚାରଣ[ସମ୍ପାଦନା]
ଅନୁବାଦ[ସମ୍ପାଦନା]
(ଚଳାଇବା, ଚାଳିବା—ଣିଜନ୍ତରୂପ)
ଦେଶଜ - କ୍ରିୟାପଦ - (ସଂସ୍କୃତ - ଚଳ ଧାତୁ)[ସମ୍ପାଦନା]
- ୧. ସ୍ଥାନାନ୍ତରକୁ ଯିବା; ଗମନ କରିବା — ୧. To go; to pass on from one place to another.
ସର୍ବ ସମ୍ପଦ ପରିହରେ ତା ସଙ୍ଗେ ଦେଶାନ୍ତରେ—ଭୂପତି. ପ୍ରେମପଞ୍ଚାମୃତ
- ୨. ଅଗ୍ରସର ହେବା —୨. To advance.
(ଯଥା—ସେନା ନଗର ଅଭିମୂଖରେ ଚଳିଲେ)
- ୩. ପଦବ୍ରଜରେ ଗମନ କରିବା; ଚାଲିବା —୩. To walk.
(ଯଥା—ସେ ବୃଦ୍ଧ ହେବାରୁ ଆଉ ଚଳି ପାରୁ ନାହାନ୍ତି)
- ୪. ନିର୍ବାହିତ ହେବା —୪. To be accomplished.
(ଯଥା—ଏତିକିରେ ତାଙ୍କ କାମ ଚଳିବ ନାହିଁ)
- ୫. ହଲିବା; ଦୋହୋଲିବା; ଇତସ୍ତସଃ ଚାଳିତ ହେବା — ୫. To move to and fro.
(ଯଥା—ପବନ ବନ୍ଦ ହେବାରୁ ଗଛର ପତରଟିଏ ସୁଦ୍ଧା ଚଳୁ ନାହିଁ)
- ୬. ପ୍ରଚଳିତ ହେବା; ସାଧାରଣରେ ବ୍ୟବହୃତ ହେବା; ବ୍ୟବହାରରେ ଲାଗିବା —୬. To be in vogue; to pass current; to be current.
(ଯଥା—ଏ ଟଙ୍କା ବଜାରରେ ଚଳିବ)
- ୭. ସମାଜରେ ଅନ୍ୟ ବ୍ୟକ୍ତିମାନଙ୍କ ପଂକ୍ତିରେ ଭୋଜନାଦି କରିବାକୁ ଅନୁମତି ପାଇବା ବା ଯୋଗ୍ୟ ହେବା — ୭. To be admitted to social intercourse or communion.
(ଯଥା—ସେ ଏବେ ଆମ ଗ୍ରାମ ସମାଜରେ ଚଳିଲେଣି)
- ୮. ଗତି କରିବା; ଗତିଯୁକ୍ତ ହେବା — ୮. To move; to have motion.
ଦେଖିଲେ ନିଜ ପେଟଭିତର ନ ଚଳିଲା, ପଥର ପରି ଆଣ୍ଟ ହୋଇଣ ରହିଲା କୃଷ୍ଣସିଂହ. ମହାଭାରତ. ଆଦି
- ୯. ସଙ୍ଗତ ହେବା —୯. To be fitting; to fit in.
(ଯଥା—ଗୁରୁଜନଙ୍କ ପାଖରେ ଧୃଷ୍ଟତା ଚଳିବ ନାହିଁ)
- ୧. ବହିବା; ପ୍ରବାହିତ ହେବା —୧୦. To flow.
(ଯଥା—ଖାଦ୍ୟ ରକ୍ତରେ ପରିଣତ ହୋଇ ଶରୀରର ପ୍ରତ୍ୟେକ ଅଂଶକୁ ଚଳେ; ବାୟୁ ଚଳିବା)
- ୧୧. କ୍ରମାଗତ ଘଟିବା ବା ହେବା —୧୧. To happen or take place continually; to continue.
ବନଦେବୀଙ୍କର ଅଭିସାରଲୀଳା ଚଳୁଥାଇ—ରାଧାନାଥ. ଯଯାତି
- ୧୨. ଇହଲୋକରୁ ପ୍ରସ୍ଥାନ କରିବା; ମହାଯାତ୍ରା କରିବା; ମରିବା —୧୨. To die.
ସର୍ବେ ଚଳିବେ କାଳବଳେ, ଯଶ ରହିବ ମହୀତଳେ—ଜଗନ୍ନାଥ. ଭାଗବତ
- ୧୩. ଘଟିକାଯନ୍ତ୍ରାଦି ଠିକ୍ ମତେ କାର୍ଯ୍ୟ କରିବା; କାର୍ଯ୍ୟକ୍ଷମ ହେବା —୧୩. To be in a working order; to work; to go on; to get on.
(ଯଥା—ଏ ଘଣ୍ଟାଟି ଦଶ ବର୍ଷ ହେଲା ଚଳୁଛି)
- ୧୪. ସଂସାରରେ ସୁଖରେ ଜୀବନ ଯାପନ କରିବା — ୧୪. To be well off; to get on the world.
(ଯଥା—ସେ ଏବେ (ସୁଖରେ) ଚଳୁଛନ୍ତି)
- ୧୫. ଶରୀରରେ ସହ୍ୟ ହେବା; ଦେହରେ ଯିବା — ୧୫. To agree with one's system.
(ଯଥା—ତାଙ୍କ ଦେହରେ ଘିଅ ଚଳେ ନାହିଁ)
- ୧୬. ଅସନ୍ତୁଷ୍ଟ ବା ବିରକ୍ତ ହେବା; ଚିଡ଼ିବା; ରାଗିବା — ୧୬. To be angry or displeased.
ଚରଣେ ପୁଣି ଦଳି ପକାଇଦେଲୁ ଚଳି ତୁ ସୁନ୍ଦର କୁସୁମଭୂଷାକୁ ରେ— କବିସୂର୍ଯ୍ୟ. ସଙ୍ଗୀତ
- ୧୭. ସୁଚାରୁରୂପେ ନିର୍ବାହିତ ହେବା — ୧୭. To go on wel; to be conducted.
(ଯଥା—କେବଳ ଛାତ୍ରଦତ୍ତ ବେତନରେ ସ୍କୁଲଟି ଚଳେ)
- ୧୮. (କୌଣସି ବସ୍ତୁ ବା ବିଷୟ) ସମାଜରେ ଗୃହୀତ ହେବା ବା ପ୍ରକାଶ୍ୟଭାବରେ ବ୍ୟବହୃତ ହେବା — ୧୮. (anything) To be recognised by or be in a vogue in a society.
(ଯଥା—ଆଜିକାଲି ବ୍ରାହ୍ମଣଜାତିରେ ନିଶ ରଖିବା ଚଳିଲାଣି ପରା?)
- ୧୯. ପ୍ରଚାରିତ ହେବ — ୧୯. To be circulated or published.
(ଯଥା—ଆଜ୍ଞାପତ୍ରିକା ଗାଁ ଗାଁ ଚଳିଲାଣି)
- ୨. ଅଭିପ୍ରେତ କର୍ମରେ ନିଯୁକ୍ତ ହେବା — ୨୦. To be engaged in its proper function.
(ଯଥା—ହାତ ଚଳିବା; ପାଟି ଚଳିବା; ଠେଙ୍ଗା ଚଳିବା)
- ୨୧. ସ୍ଥାନାନ୍ତରକୁ ପ୍ରେରିତ ହେବା —୨୧. To be sent to another place; to be transmitted.
(ଯଥା—ନିମନ୍ତ୍ରଣ ଚଳିବା, ଗୁଆ ଚଳିବା, ବେଭାର ଚଳିବା)
- ୨୨. କୌଣସି ଗ୍ରହ ଏକ ରାଶିର ସୀମା ଟପି ଅନ୍ୟ ରାଶିର ସୀମାରେ ପହଞ୍ଚିବା —୨୨. (a planet) To pass from one zodiacal sigh to another.
(ଯଥା—ଶନି କୁମ୍ଭରାଶିରୁ ମୀନରାଶିକୁ ଚଳିଲା)
- ୨୩. ଆରବ୍ଧ ହେବା (ପ୍ରସ୍ତାବ ଚଳିବା) — ୨୩. To be begun.
- ୨୪. ପ୍ରବର୍ତ୍ତିତ ହେବା; କାର୍ଯ୍ୟରେ ପରିଣତ ହେବା୍ ୨୪. To be carried out.
(ଯଥା—ହୁକୁମ ଚଳିବା; ଆଇନ ଚଳିବା)
- ୨୫. ପରଷାଯିବା; ଖାଦ୍ୟଦ୍ରବ୍ୟ ଖାଇବା ପତ୍ରରେ ପରଷା ଯିବା —୨୫. (food) To be served on plate.
(ଯଥା—ସଙ୍ଖୁଡ଼ି ସଭାରେ ବର୍ତ୍ତମାନ ଖିରି ଚଳୁଛି)
- ୨୬. ଫଳପ୍ରଦ ହେବା —୨୬. To be effective.
(ଯଥା—ମୋଠାରେ ତୋର ଚାଲାଖି ଚଳିବ ନାହିଁ)
- ୨୭. ବାସ କରିବା; ବଞ୍ଚି ରହିବା —୨୭. To live.
(ଯଥା—ଦୁନିଆରେ ଚଳିବାକୁ ହେଲେ କେତେ ଦୁଃଖ ସହିବାକୁ ହୁଏ)