ପିମ୍ପୁଡ଼ି
ପିମ୍ପୁଡ଼ି
ଓଡ଼ିଆ[ସମ୍ପାଦନା]
ଉଚ୍ଚାରଣ[ସମ୍ପାଦନା]
ଧ୍ୱନି (ମାନକ ଓଡ଼ିଆ) (file)
ଅନୁବାଦ[ସମ୍ପାଦନା]
ପିମ୍ପୁଡ଼ି
|
(ପିମ୍ପିଡ଼ି—ଅନ୍ୟରୂପ)
ଦେଶଜ - ବିଶେଷ୍ୟ - (ସଂସ୍କୃତ - ପିପୀଳୀ)[ସମ୍ପାଦନା]
ପ୍ରସିଦ୍ଧ ଷଟ୍ପଦ ପକ୍ଷହୀନ କୀଟ ବିଶେଷ —Formicidae ants.
[ ଦ୍ର—ଆକାରରେ ଓ ସ୍ୱଭାବରେ ଏମାନେ ମହୁ— ମାଛି ପରି; ଏମାନଙ୍କର ଅଣ୍ଟା ଭାରି ସରୁଆ; ଏମାନଙ୍କର ଦୁଇଟା ତୀକ୍ଷ୍ଣ ଦାନ୍ତ ଥାଏ ଏହି ଦୁଇଟି ଦାନ୍ତରେ ଏମାନେ କାମୁ଼ଡ଼ନ୍ତି ଓ ଖାଦ୍ୟ ଦ୍ରବ୍ୟକୁ ଧରନ୍ତି ଏମାନେ ତିନି ଶ୍ରେଣୀର ସ୍ତ୍ରୀ, ପୁରୁଷ ଓ କ୍ଳୀବ କ୍ଳୀବମାନେ ପରିଶ୍ରମ କରନ୍ତି ପକ୍ଷ ହେଲେ ଏମାନେ ଉଡ଼ନ୍ତି ଓ ଶେଷରେ ମୃତ୍ୟୁ ମୁଖରେ ପଡ଼ନ୍ତି
ବ଼ଡ଼, ସାନ, ନାଲି, ଧଳା ଓ କଳା ଆଦି ଭେଦରେ ଏମାନେ ନାନା ଜୀତୀୟ ଉଇ ଓ ଜନ୍ଦାମାନେ ମଧ୍ୟ ଏହା ଶ୍ରେଣୀର ଅନ୍ତର୍ଗତ ଏମାନେ ଭାରି ମିଠାପ୍ରିୟ ଗଛର ପତ୍ରରେ, ମାଟିରେ ଓ ଗଛର ଖୋଲରେ ଏମାନେ ନନା ପ୍ରକାରର ବସା ତିଆରି କରନ୍ତି
- ୧. ଯେଉଁମାନେ ଆମ୍ୱଗଛରେ ଥାଆନ୍ତି ଓ ଆମ୍ୱ ପତ୍ରମାନଙ୍କୁ ଏକତ୍ର ଜଡ଼ିତ କରି ଗୋଟିଏ ଲେଖାଁଏ ଥଳି ପରି ବସା କରନ୍ତି ତାଙ୍କୁ କାଇ (ବଙ୍ଗାଳୀ - ଆମପିପଡ଼ା) କହନ୍ତି ଏମାନଙ୍କ ରଙ୍ଗ ହଳଦିଆ ଓ ଆକାର ବଡ଼ ଏମାନଙ୍କ ଡିମ୍ୱକୁ ବନିଶୀରେ ଗୁନ୍ଥି ମାଛଙ୍କ ଚରା କରାଯାଏ
- ୨. ଏକ ପ୍ରକାର ପିମ୍ପୁଡ଼ି କୃଷ୍ଣବର୍ଣ୍ଣ; ଗଛର କୋରଡ଼ ଓ ଛାଲ ତଳେ ବସା କରନ୍ତି ଏମାନଙ୍କୁ କାଠ ପିମ୍ପୁଡ଼ି (ବଙ୍ଗାଳୀ - କାଠପିଁପଡ଼ା) କହନ୍ତି
- ୩. କଳା କଳା ବଡ଼ଗୋଡ଼ିଆ ମାନଙ୍କୁ ଜନ୍ଦା (ବଙ୍ଗାଳୀ - ଜିଁଆ) ବେଲାଯାଏ ଏ ଜନ୍ଦାମାନେ ବଡ଼ (ଡଗରା) ଓ ସାନ (ଧୂଳିଆ) ଭେଦରେ ନାନା ପ୍ରକାରର ଏମାନଙ୍କ କାମୁଡ଼ିବାଦ୍ୱାରା ରକ୍ତ ବୁହେ ଓ ବିଶେଷ ଜ୍ୱାଳା ହୁଏ
- ୪. ଧଳା ଧଳା ଜାତୀୟ ପିମ୍ପୂଡ଼ିଙ୍କୁ ଉଇ (ବଙ୍ଗାଳୀ - ଉଇ White ant Termite କହନ୍ତି ଏମାନେ ମାଟିରେ ପାହାଡ଼ ବା ମନ୍ଦିର ପରି ଗର ତିଆରି କରନ୍ତି ଏହାକୁ ହୁଙ୍କା (ବଙ୍ଗାଳୀ - ଢିପି) ବୋଲା ଯାଏ
- ୫. ସାଧାରଣ ପିମ୍ପୂଡ଼ି ନାଲି—(ବଙ୍ଗାଳୀ - ଲାଲ୍ ପିମ୍ପୂଡ଼ା) ଏମାନେ ସାନ ସାନ ଓ ବଡ଼ ବଡ଼ ନାନା ପ୍ରାକାରର ହୁଅନ୍ତି ସାନ ସାନ ମାନଙ୍କୁ ଘି ପିମ୍ପୂଡ଼ି (ବଙ୍ଗାଳୀ - ଖୁଦିୟା, ଖୁଦ୍ୟେ) ବୋଲାଯାଏ ଏମାନେ କାମୁଡ଼ନ୍ତି
- ୬. କଳା ପିମ୍ପୂଡ଼ି (ବଙ୍ଗାଳୀ - ଗୁଡ଼୍ୟେ, ଡ଼ିଆଁ)—ଏମାନେ ବିଷହୀନ ଓ କାମୁଡ଼ନ୍ତି ନାହିଁ
- ୭. ଏହା ଛଡ଼ା ଏକପ୍ରାକାରର ପଉଁଶିଆ ପିମ୍ପୂଡ଼ି ଅଛନ୍ତି ଏମାନେ ଖରା ସମୟରେ କ୍ଷେତରୁ ଶସ୍ୟ ବୀଜମାନ ସଂଗ୍ରହ କରି ଆପଣା ବସାରେ ନେଇ ସଞ୍ଚୟ କରନ୍ତି ପିମ୍ପୂଡ଼ିମାନେ ଦଳବଦ୍ଧ ହୋଇ ରହନ୍ତି ଓ କାର୍ଯ୍ୟ କରନ୍ତି ଏମାନେ ଧାଡ଼ି ବାନ୍ଧି ଯିବା ଆସିବା କରନ୍ତି ଜୀବତତ୍ତ୍ୱବିତ୍ମାନେ ଗବେଷଣାଦ୍ୱାରା ଏମାନଙ୍କର ଅଧ୍ୟବସାୟ, କାର୍ଯ୍ୟବିଭାଗ ଓ ନିୟମଧୀନତା ଆଦି ଦେଖି ଚମତ୍କୃତ ହୋଇ ଅଛନ୍ତି
ପିମ୍ପୂଡ଼ି ସମ୍ୱନ୍ଧେ କେତେଗୁଡ଼ିଏ ପ୍ରବଚନ ଓ ନ୍ୟାୟ
- ୧. ଗୁଡ଼ଘରେ ପିମ୍ପୂଡ଼ି ଜଗୁଆଳି (ପରିଛା) ନ୍ୟାୟ—ଖାଦ୍ୟ ଦ୍ରବ୍ୟକୁ ଖାଦକର ଜିମା କଲେ ଅର୍ଥାତ୍ ଭକ୍ଷକକୁ ଦ୍ରବ୍ୟ ରକ୍ଷା କରିବାକୁ ଦେଲେ ସେ ଦ୍ରବ୍ୟ ନଷ୍ଟ ହେବା ସ୍ୱାଭାବିକ
- ୨. ପିମ୍ପୂଡ଼ିର ପକ୍ଷୀ ଲାଗିବା ନ୍ୟାୟ—ସର୍ବନାଶ ବା ମୃତ୍ୟୁର ପୂର୍ବ ସମୟ ଉପସ୍ଥିତ ହେବା
- ୩. ହାତୀ ଗଳି ଯାଉଛି ପିମ୍ପୂଡ଼ି ଗଳିବାକୁ ବାୟ ନାହିଁ, କିମ୍ୱା ହାତୀ ଗଳି ଯାଉଛି ପିମ୍ପୂଡ଼ିକୁ ବାଟ ବନ୍ଦ ହେଉଛି ନ୍ୟାୟ—ବଡ଼ ବଡ଼ କଥାରେ ଦୃଷ୍ଟି ନ ଥାଇ ଯେ ଛୋଟ ଛୋଟ ବିଷୟକୁ ଜଗେ ପିମ୍ପୂଡ଼ି ହୋଇ ଦୀପରୁଖାରେ ଚଢ଼ିବା ନ୍ୟାୟ—ଛୋଟ ଲୋକ ହୋଇ ବଡ଼କଥାରେ ହସ୍ତକ୍ଷେପ କରିବା
- ୫. ହାତୀ ମୁହଁରୁ କଳେ ଖସି ପଡ଼ିଲେ ପିମ୍ପୂଡ଼ିକୁ ଖାଇବାକୁ ଶହେ ବରଷ ନ୍ୟାୟ—ହାତୀପରି ବ୍ୟକ୍ତି ସାମାନ୍ୟ ମାତ୍ର (କଳେ ମାତ୍ର ଖାଦ୍ୟ) ଛାଡ଼ି ଗଲେ ସେତିକିରେ ଲକ୍ଷ ଲକ୍ଷ ପିମ୍ପୂଡ଼ି ପରି ଜୀବ ପୋଷି ହୁଅନ୍ତି
- ୬. ହାତୀ ମୁତି ଦେଲେ ପିମ୍ପୂଡ଼ି ପହଁରାଏ ନ୍ୟାୟ—ହାତୀ ପରି ବଡ଼ ଜୀବର ମୂତ୍ରରେ ପିମ୍ପୂଡ଼ି ପରି ଜୀବ ବୁଡ଼ି ଯାଏ
- ୭. ଗୁଡ଼ଘର ପିମ୍ପୂଡ଼ି ଖାଇଯିବା ନ୍ୟାୟ—ଯେଉଁ କାର୍ଯ୍ୟକୁ ଶତ୍ରୁଠାରୁ ସର୍ବଦା ସାବଧାନତା ସହିତ ରକ୍ଷା କରିବା ଦରକାର
- ୮. ପିମ୍ପୂଡ଼ି ଧାର ଲାଗିବା ନ୍ୟାୟ—ଯେଉଁଠାରେ ବହୁଜନଙ୍କ ସମାଗମ ହୁଏ, ସେଠାରେ 'ପୁମ୍ପୂଡ଼ି ଧାର' ପରି ଲୋକେ ଚାଲୁଥିବାର ଲୋକେ ତୁଳନା କରନ୍ତି
- ୯. ଗୁଡ଼କୁ ପିମ୍ପୂଡ଼ି ବାଇ ହେବା ନ୍ୟାୟ—ପିମ୍ପୂଡ଼ିମାନେ ମିଠା ଜିନିଷ ପ୍ରତି ଅତ୍ୟନ୍ତ ଆସକ୍ତ ଥିବାରୁ କୌଣସି ବିଷୟ ପ୍ରତି କୌଣସି ବ୍ୟକ୍ତିର ବିଶେଷ ଆଗ୍ରହ ବା ଲୋଭ ଦେଖାଗଲେ ଲୋକେ ଏହି ଉଦାହରଣ ଦେଇଥାନ୍ତି]